خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!

ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!

ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!

و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!!

أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!

يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!

صلاح جاهين مهما نقول فستعجز دائما كلماتنا عن اعطاءه حقه
صلاح جاهين ذلك الاسم اللامع
في عالم الكلمه الذي استطاع
ينقش اسمه من الماس ليظل علامه
مسجله في الشعر
كلمات معبره و رائعه يفهمها كل من يقراها
كل التقدير والحب والاعجاب بهذا الرجل الرائع الذي امتعنا
وشكرا جزيلا اختي امة الله على توفير هذه الرباعيات
تقبلي مني فائق التقدير و الاحترام

غاليتى امة الله

ما اروع تلك الاختيار لقلم صادق ورجل صاحب فكر ومذهب فى الشعر والادب

صلااح جاهين رجل القلم المخلص لكل حرف يخط به

دائما نسبح مع كلماته ونتخيل الواقع الذى نعيش فيه

ونجد قلوبنا تلوح بين مشاعره

ونعيش معه لحظات العشق ولحظات الفراق

ولحظات الصمت ولحظات انفجار مشاعر قويه وعظيمه

لنجعل حروفنا

تتلأ لأ فى سماء منتدى الفرســــان

ولنجعل الخيال والابداع حقيقة لنا

ليجعل كل منا قلمــــه وهاجا

وحقيقة وليست عبارات,,,,,,,,,,,