غربة بلياك

موضوع: غربة بلياك 2008-05-19, 10:48 pm

اسبق عقارب ساعتي لاجل لقيـاك
واطوي مسافات الوله لاجل الاقيـك
مااشعر بصدق العشره الا بلامـاك
ياللي ملكت القلب والقلـب هاويـك
جيتك وقلبي غايته دايـم رضـاك
احمل غلاك بداخل الروح وافديـك
جيتك وانا مدري وش اسباب جفواك
جيتك وحلمي بس لحظـة اناجيـك
واسير سهْم عيونك السـود لاجـاك
اطلق سراح معذبٍ جـاك ناصيـك
الى متـى يازيـن وانـا اترجـاك
راحت حياتي ياحياتي وانا ارجيـك
مهما جفيت ورحت وابعدت مااجفاك
ولاجا على بالـي دقيقـة اجافيـك
اموت واحيا في محبتـك واهـواك
لاشك ماترحـم عشيـر ٍمصافيـك
عايش على حبك وطيفك وذكـراك

ويفز قلبـه كـل ماحـلّ طاريـك
ابشتكيلـك منْـك والـوذ بحمـاك

واستعطفك واسترحمك والتجي فيك
ابتبعـك وابسبـقـك واتـحـراك
واستقبلك لاجيت وافـرح واحييـك
مقدراعيش العمـر لحظـة بليـاك

ومقدر على وصلك ولااقدر اخليـك
تبي الحقيقة حيـل عينـي تمنـاك
وغصبٍ علي قلبي يحبـك ويغليـك
وطيور شوق مخاوي سهاد تنخـاك
حزينـةٍ مهزومـةٍ بيـن ايـاديـك

_________________

موضوع: رد: غربة بلياك 2008-06-29, 12:22 am

بسم الله الرحمن الرحيم
الحبية أمــ الله ــة
حروف ارتوت بالابداع
وكلمات تنطق بالعذوبه
فكان للإبحار في سطورك متعة لاحدود لها
سلمت تلك الأنامل التي سطرت
وتلك الكلمات التي عبرت
وتلك الحروف التي تغلغلت في أعماقنا وتقطرت
فلا تحرمنا إبداعك المتواصل
لك قوافل الورد .