حدوته مصريه

موضوع: حدوته مصريه 2007-09-07, 2:08 am

منرضاش... يخاصم القمر السما
منرضاش ... تدوس البشر بعضها
منرضاش... يموت جوه قلبى نداه
منرضاش ... تهاجر الجذور.......... ارضها
منرضاش... قلبى جواه يغنى
الاجراس تدق لصرخة ميلاد
تموت حته منى
لجراس بتعلن...
نهاية بشر من العباد

دى الحكمه قتلتنى
وحيّتنى
وخلتنى

اغوص ف قلب السر
قلب الكون

قبل الطوفان ما يجى
خلتنى

اخاف عليكى يا مصر
واحكيلك على المكنون
مين اللى عاقل فينا مين مجنون
مين اللى مدبوح م الالم
مين اللى ظالم فينا مين مظلوم
مين اللى ما يعرفش غير كلمة نعم
مين اللى محنيلك خضار ؟
الفلاحين الغلابا
مين اللى محنيلك عمار؟
عمالك الطيابا
مين اللى بيبيع الضمير
ويشترى بيه الدمار؟؟

مين هو صاحب المسألة

والمشكله والحكايه والقلم

رايت كل شىء
وتعبت على الحقيقه

قابلت فى الطريق
عيون كتير بريئه

اعرف بشر
عرفونى لاء
لاء ما عرفونيش

جبلوني و جبلتهم
بمد ايدى لك
طب ليه ما تقبلنيش
لا يهمنى اسمك
لا يهمنى عنوانك

لا يهمنى لونك
ولاميلادك. ... مكانك

يهمنى الانسان
ولو ما لوش عنوان

يا ناس يا ناس يا مكبوته
هيّا دى الحدوته
حدوته مصريه

م ن ق و ل

موضوع: رد: حدوته مصريه 2007-09-07, 10:05 pm

اخوي تامر..

اقف صامتة امام هذه الحدوثة
ولكنها بالفعل معبرة معبرة جدا

سلمت اناملك اخي على ما نثرت من رقي وتميز
كلمات وحروف خطها قلمك الرنان
لا حرمنا الله من بوحك وهمسك
تقبل مني خالص احترامي وتقديري لقلمك المتميز
ولك مني اطيب وارق الامنيات
ودمت بخير وود
اختكم القلم....الباكي...

.

_________________

موضوع: رد: حدوته مصريه 2007-09-08, 1:23 am

بحلم يا صحبى يكون لنا حقيقة صافية فى عمرنا

بحلم بعالم فية قلوب بريئة دافية تضمنا

عالم جديد يمكن بعيد لكن اكيد هيكون لنا

بحلم اشوف الكون عمار به دنيا ماتعرف دمار

بحلم بعالم ليل نهار يطرح محبة فى ارضنا

عالم جديد يمكن بعيد لكن اكيد هيكون لنا

بحلم وبهرب للخيال للحب والخير والجمال

بحلم بعالم مش محال يبقى حقيقة فى يدنا

عالم جديد يمكن بعيد لكن اكيد هيكون لنا

موضوع: رد: حدوته مصريه 2007-09-17, 6:45 pm

الاخ الفاضل

تامر

تقف الكلمات مابين سطور كلماتك

نتظظامل ما اروعها وما اصدق تلك المشاعر

نأمل بالحياة ما بين الصدق والامان

مشكور اخى على هذا الابداع

فى انتظار كل جديد

غـــــ الاشواق ــادة