أنا ليوع عارضة عليكم تاكلو فخاد الدجاج

المقادير:
كاس صغير حليب سائل+1 بيضة+4/1 كاس زبدة مدوبة+ 1 معلقة صغيرة خميرة الخبز+ الدقيق الكافي لجمع العجينة
الحشوة:
بصلة كبيرة مقطعة رقيقة+ صدر دجاج مقطع صغير+ شوي فرماج محكوك+ ملح+ إبزار+ شوي زيت+ سكنجبير+ شوي سودانية( إختياري) تحميرة+ لفريت+لبيض و شابلور
الطريقة:
تعجن العجينة و تدلك جيدا ثم خليها تخمر

تشحر البصلة فزيت تم نزيدو الدجاج و العطرية و نخليو كلشي يطيب

نقليو لفريت و لكن متخليهش يتحمر حيت مازال يتقلى

ندلكو العجينة إما بالمدلك أم ندوزوها فلمكينة رقيقة ثم تقطع مربعات نعملوها بحال هاد الشكل

يعني نحطو فيها فريتة ثم نلاصقو معها الحشوة و لفرماج ثم نجمعو عليها لعجينة بشكل فخضة

ندوزوهم فبيض مطرب ثم لاشابلور
ثم نقليوهم ونقدموهم سخان


صدقوني كيجيو بنان فلمداق و كيحمرو لوجه
شكرا لصاحبة الوصفة